«Логопедиялық қонақ бөлмелері»

Ағымдағы жылдың 15-наурызы мен 5-сәуір аралығында Павлодар облысының психологиялық-педагогикалық түзету кабинеттерінде «Логопедиялық қонақ бөлмелері»өтті. Олардың жұмысына ата-аналар, білім беру, әлеуметтік қорғау бөлімдерінің мамандары, балалар емханаларының медицина қызметкерлері, мектепке дейінгі және мектеп ұйымдарының педагогтері қатысты.

Бұл іс — шараның мақсаты-сөйлеуді дамытудың негізгі әдістерімен танысу;

— мұғалімдер мен ата-аналарға балалардың сөйлеуін дұрыс қалыптастыру қаншалықты маңызды екенін түсінуге көмектесу;

— педагогтарды, мамандарды және ата-аналарды түзету-дамыту жұмыстарының ерекшеліктерін түсіндіру және таныстыру;

— педагогтарды, мамандарды және ата-аналарды жұмыста және үй жағдайында одан әрі бекіту үшін сөйлеуді түзету бойынша ойын тәсілдерін пайдалануға үйрету.

Іс-шара барысында қонақтарды түзету кабинетінің жұмысымен таныстырды. Логопедтер жаңа технологияларды пайдалана отырып, ашық сабақтар, мастер-класстар, тренингтер арқылы логопедтік жұмыс тәжірибесін көрсетті.

«Логопедиялық қонақ бөлменің» соңғы кезеңі қызығушылық танытқан адамдар мен сөйлеуі бұзылған балаларға кеңес беру болды. Барлық қатысушыларға ақпараттық материалдар таратылды.